Pacolli: Nuk kam hequr dorë nga pozicioni im

 Kreu i AKR-së Behgjet Pacolli, nëpërmjet një shkrimi në faqen e tij zyrtare në Facebook, ka qartësuar se nuk ka hequr dorë nga qëndrimet e tij.

Ai ka thënë se thirrjet e tij për zgjidhje të problemit të bllokadës parlamentare në interes të qytetarëve dhe kërkesa drejtuar partive që të sakrifikojnë nga vetja, “nuk nënkuptojnë lëvizje apo luhatje nga pozicionet e mia”, njofton Konica.al.

“Postimet e mija të fundit që të zgjidhet problemi i bllokadës në favor të qytetarëve, dhe thirrjet e mija për liderët e partive parlamentare shqiptare që të “sakrifikojnë” nga vetja dhe ta qesin Kosovën në rendin e parë, nuk nënkupton lëvizje apo luhatje nga pozicionet e mia, (siç i quajti dikush për karrierë apo interes – të dyja këto moti i kam dhe i kam realizuar më së miri deri më tash)”, ka shkruar Pacolli.

Kreu i AKR-së, parti kjo që është në koalicion parazgjedhor me LDK-në dhe Alternativën, ka kërkuar nga partitë e tjera që merren vesh me njëra tjetrën.

E konsideroj se bashkëpunimi ndërmjet LDK dhe VV të jetë edhe me intenziv edhe pse mundet per lidershipin e dy partive te konsiderohet si “sfidë sakrifice” por bëjeni atë per respekt ndaj votës dhe deputetëve që ju përcjellin”, ka thënë Pacolli.