Berisha nxjerr zbuluar Bashën: S’më lajmëroi për paktin, Rama shpëtoi lëkurën e vet!

Duket se edhe për një kohë të gjatë do të vijojë zhurma e krijuar lidhur me paktin mes Ramës e Bashës. Ish-kryeministri Berisha ka bërë publike fakte të reja, të cilat lidhen me mos informimin nga ana e kreut demokrat. Këtë takim ai e cilëson si një fitore të shkëlqyer të Bashës, e nga ana tjetër, sipas tij, Rama shpëtoi lëkurën e vetë.

Peka: Një pikëpyetje e madhe është takimi i gjatë i Lulzim Bashës me Edi Ramën, mbi 3 orë. Deri në këtë moment është një takim jo transparent. A ju ka thënë Lulzim Basha, a është konsultuar me ju, para apo pas takimit se çfarë ka biseduar. Ju a jeni në dijeni se cila është marrëveshja afatgjatë, sepse Rama flet për marrëveshje afatgjatë. Deri ditën e zgjedhjeve keni thënë që është një marrëveshje uin-uin.

Po e kam thënë dhe e saktësoj se çfarë ishte. E kam thënë me bindje të thellë. Së pari, a më ka thënë Lulzim Basha që do të bëj takimin?

Absolutisht jo, por jam i bindur në mënyrë të prerë se ai nuk ka shkuar atje i paralajmëruar se do të bëjë takimin, sepse Edi Rama nga Elbasani tha se nuk po marr pjesë.

Nuk di të kenë komunikuar, nuk kam pasur dijeni. Pas takimit më ka thënë dhe për hapin e tij për të pranuar çfarë ishte kërkuar dhe pak më shumë biles.

Në rrafshin politik, ajo ishte në vlerësimin tim një fitore e shkëlqyer. Nëse në atë kohë nuk e kam shprehur me termat e forta për arsye elektorale, unë tani e them: Ajo ishte një fitore e shkëlqyer e Lulzim Bashës.

Sepse të arrijë, t’ia rrëzoje gjysmën e qeverisë kryeministrit, tejkalojë çdo lloj parashikimi dhe ishte një fitore në rrafshin ndërkombëtar, sepse e gjithë bota e mori vesh që ajo çadër pati kauz të drejtë dhe se ngadhënjeu kauza e çadrës.

Kjo ishte. Nga ana tjetër e kam thënë dhe e them, Edi Rama shpëtoi lëkurën e vetë dhe aty bëri mirë. Pavarësisht se ai për mua është ashtu siç është, përsëri ai aty tregoi një kuant politikani dhe shpëtoi lëkurën e tij.

Ky ishte vlerësimi. Marrëveshja, ky sukses i madh u kthye në të kundërt nga Edi Rama, ky ishte problemi. Ai mori të gjitha avantazhet e marrëveshjes. Ai paraqiti atë si një sukses të vetin, e paraqiti atë si një mëshirë për një djalë të mirë si Lulzim Basha dhe marrëveshjes nuk iu bë avokatia në mënyrën e duhur nga Lulzim Basha”.