Pacolli priti në takim ambasadoren turke në Kosovë

Në vazhdën e takimeve me ambasadorët e akredituar në Kosovë, zëvendëskryeministri dhe ministri i Punëve të Jashtme Behgjet Pacolli ka pritur sot në takim ambasadoren turke në vend, Kivilcim Kiliç.

“Ambasadorja Kiliç ka përgëzuar Ministrin Pacolli, me rastin e marrjes së detyrës së re, duke ri-konfirmuar, në emër të shtetit të saj mbështetjen dhe bashkëpunimin e plotë të Turqisë në konsolidimin e mëtejmë të shtetësisë së Kosovës në aspektin ndërkombëtarë, përfshirë integrimin në strukturat euro-atlantike dhe Organizatat Ndërkombëtare”, thuhet në njoftimin për media.

Në anën tjetër, zëvendëskryeministri dhe ministri i Jashtëm Behgjet Pacolli falenderoi shtetin turk për ndihmën që ka dhënë për shtetndërtimin e Kosovës.

Me këtë rast, ai kërkoi që kjo mbështetje të vazhdojë edhe më tutje, sidomos në rritjen e përpjekjeve diplomatike të këtij vendi për sigurimin e njohjeve të reja tek vendet ku ajo mund të ketë ndikim dhe sigurim të mbështetjes së njëjtë edhe për anëtarësimin në Organizata Ndërkombëtare.

LINI NJË PËRGJIGJE

Ju lutem shkruani komentin tuaj
Ju lutem vendosni emrin tuaj