Ankesa e mësueses me tumor/ Përgjigjet Rama: Brenda 10 ditësh do t’i garantojmë…

Në 26-vjetorin e themelimit të FRESSH, kryeministri  Edi Rama i ktheu përgjigje Valbona Reçit, mësueses së gjimnazit në Rrëshen që një ditë më parë gjatë takimit për bashkëqeverisjen ngriti shqetësimin e mungesës së herceptinës, ilaçit të nevojshëm që i shërbente në luftën kundër kancerit.

Rama tha se ‘do të çojmë deri në fund detyrimin tonë që brenda 10 ditëve të ardhshme t’i garantojmë jo vetëm asaj, por gjithë të sëmurëve atë ilaç.’

“Dje në Mirditë u ngit një mësuese në takimin tonë për bashkëqeverisjen dhe rrëfeu situatën e saj dramatike me shëndetin, është identifikuar me kancer dhe pasi tregoi për përkushtimin dhe kujdesin e skuadrës së mjekëve dhe infermierëve të Onkologjikut tha se prej disa muajsh i është ndërprerë kura për shkak të mungesës së një ilaçi që kushton shumë e pa të cilin nuk bën dot… Pas mbledhjes së djeshme ne vazhduam dhe do të çojmë deri në fund detyrimin tonë që brenda 10 ditëve të ardhshme t’i garantojmë jo vetëm asaj, por gjithë të sëmurëve atë ilaç”, tha Rama.