Paracetamol me virus vdekjeprurës në Shqipëri? Vjen reagimi zyrtar: E vërteta e postimit

Lajmi se një paracetamol vdekjeprurës po qarkullon në vendin tonë bëri një bujë të madhe ditën e sotme, duke përhapur panik te njerëzit.

Njoftimi që vazhdon ende të qarkullojë, thotë se  parcetamoli P/500 përmban virus vdekjeprurës.

Mirëpo, Urdhri i Farmacistëve të Shqiperisë dhe Agjencia Kombëtare e Barnave dhe Pajisjeve Mjekësore thonë se ky është një lajm i rremë.

Ata konfirmojnë se:

Asgje te vertete nuk ka mbi gjoja “rrezikun” qe vjen nga perdorimi i paracetamolit. Dhe perkatesisht Paracetamolit P500 te firmes Apex i cili nuk qarkullon ne tregun tone! Postimi qe eshte bere viral ne rrjetet sociale eshte thjeshte “Fake News”!”

Njoftimi i plotë mbi rrezikun e paracetamolit:

Kini kujdes dhe mos e përdorni paracetamolin në të cilin shkruhet P / 500. Ky është një paracetmol i ri, me një ngjyrë shumë të bardhë dhe të shndritshme, për të cilin doktorët kanë dëshmuar se e përmban virusin ‘Machupo’, i cili konsiderohet si njëri nga viruset më të rrezikshme në botë me një shkallë të lartë të vdekjes”.