Igli Tare merr një tjetër shqiptar në radhët e Lazios

Një tjetër shqiptar pritet të bëhet së shpejti një lojtar i Lazios në Serie A. Drejtori sportiv i bardhekaltërve, Igli Tare, ka arritur marrëveshjen me Betis Sevilla për kartonin e Riza Durmishit, që do t’u kushtojë arkave të skuadrës së kryeqytetit italian 7 milionë euro.

Mbeten për t’u përcaktuar vetëm disa detaje të vogla me mbrojtësin shqiptar, përfaqëson Danimarkën në rang kombëtaresh.

Durmishi konsiderohet një lojtar polivalent, mund të luaj në mbrojtës i majtë, por edhe si mesfushor me rreshtimin me 5 në mesfushë.

Për trajnerin Simone Inzaghi, është alternativë përfekte për boshnjakun Senad Luliç. Sezonin që u mbyll është aktkvizuar në 24 ndeshje të La Ligas, duke shënuar dy gola dhe dhënë 3 asiste.

Në analizën që i bëjnë mediat italiane shkruhet se futbollisti lë pak për të dëshiruar sa i përket staturës, sepse është vetëm 163 centimetra i gjatë, por është një lojtar i shpejtë dhe rezistent.