34 C
Tirana, AL
E diel, Korrik 23, 2017
ebook Download

ebook Download

Klasikët e librit duket se i kemi harruar dhe anatemuar diku në një cep të mendjes apo bibliotekës. Këta magjikë të botës, të cilët ende sot ekranizohen kinemave të përditshmërisë sonë, duhet të kemi mirësinë t’i marrim dorës e përkëdhelim në fakt, sa herë mundemi. Në këtë mënyrë, mendoj, të rregullojmë një raft dëshire dhe shije – për veten tonë. Sakaq, vijimin e një prej marrëdhënieve më erotike të historisë njerëzore dhe asaj letrare. A lexojmë ne? Çfarë lexojmë? Si lexojmë?Vertikalisht apo horizontalisht? Pra, ne, si lexues, a kemi një realitet tonin tej tavolinave mes miqsh që na mledhin darkave? Nuk di në ka bashkëvuajtje më erotike se ai për të portretizuar së jashtmi dhe së brendshmi tregimet më të bukura të të gjitha kohërave. Nuk di a ka dashuri më të ndjerë, tek na kap flokëve dhe përplas shtratit, se një faqe libri, në fakt. Një faqe libri, dalë prej një letërsie e cila i shpëtoi kthetrave të diktaturës në shek. XIX, e cila më ravijëzon syve tani, si një lloj ngushëllimi për gjithë ata përkthyes që dhanë kontributin më të madh për ne, duke bërë autorët më të mëdhenj të flasin shqip. Vedat Kokona, profesori i leksikologjisë frënge , i cili me një optimizëm të rrallë u dhuroi bashkëkombësve të vet kënaqësinë e të lexuarit  të kryeveprave franceze. Apo, Jusuf Vrioni, një tjetër vlerë e këtij kombi, që u pajtua me guximin dhe dashurinë e librit dhe aty… në errësirë të internimit, shpërfilli atë sistem. Kolosë që edukuan breza të tërë duke e ngjitur majave të maleve të Shqipërisë letërsinë. Pra, me gjithë izolimin e bërë, Shqipëria e dikurshme e la gjallë një pjesë të letërsisë klasike dhe nobelistët deri në fillim të shekullit XX, duke mbledhur kështu rrotull shëpisë botuese jo vetëm përkthyes, por intelektualë kalibri si Poradeci, Kuteli e shumë të tjerë. Andaj kjo nismë e re e portalit tonë ka si bërthamë një kërkesë për të ringjitur një shpëtim individual, e tejkaluar nëpërmjet këtyre librave të hedhur çdo krizë fizike a shpirtërore që na zë dashje a padashje. Kështu, për gjithë lexuesit e Konica.al, do ketë çdo javë një qoshe prej nga kësaj pranvere do të gjelbërojnë sërish metaforat, kuptimet, simbolikat, atmosfera dhe sidomos gjurmët. Gjurmë të mbetura prej dashurisë së vertetë: Librit! Vlen për t’u theksuar që Konica.al do të hedhë falas në faqet e portalit një pjesë të mirë të këtyre librave. Shijojini.

OPINION DHE KOMENTE

Sot na duhet një hoxhë si Hafiz Ibrahim Dalliu

Duke kërkuar një njeri që  sot është edhe i fesë e edhe  i kombit  e vërejta që e kam të vështirë ose të pamundur...

S-400, Turqia dhe NATO

Ka disa kohë, sidomos pas tentativës së grushtit të shtetit të dështuar, që Turqia po lëviz në një trajektore asimetrike dhe shumë shtete nuk...

Vitet kur Kosova filloi të merrte frymë

Hijet e urryera të së kaluarës kanë filluar të zgjohen!Hijet e urryera të së kaluarës kanë filluar të ngrenë kokë! Hijet e urryera të...

Po Katedrales!

Nga Ardian Muhaj* Koncepti i një kryeobjekti fetar që shërben si qendër për objektet e tjera fetare të një feje mund të shtrihet pa frikë...

Vetting për të gjithë…boll me fletërrufetë kolektive!

Çfarë është e ashtuquajtura lista e zezë e Ramës? Në një pikëpamje, është vijim i fushatës elektorale, ose fillim i saj, sa kohë që...

MË TË FUNDIT