MENU
klinika

Drita në Europa League

Kampionët e Kosovës: Ramë pré e skenarit të gjyqtarëve qipriotë

27.07.2018 - 12:28

Pas eliminimit nga Champions League, Drita e Gjilanit, kampionia e Kosovës, ka vijuar rrugëtimin në Europa League, teksa humbi ndeshjen e parë në fushën e Dudelange (Luksemburg) me rezultatin 2-1.

Megjithatë, kampionët e Kosovës kanë shanse kualifikimi, falë atij goli të shënuar nga Shabani në fushë kundërshtare.

Skuadra kosovare, në fakt, ishte në avantazh pas pjesës së parë, por më pas gjithçka u përmbys dhe, sipas trajnerit të saj, Bekim Isufit, qëllimisht nga gjyqtarët qipriotë:

“Ishte një ndeshje e vështirë, në një kohe të nxehtë, por ne dhamë maksimumin. Patëm shumë raste shënimi, por edhe kundërshtari pati raste njësoj.

konica sportkonica sport mobile

Vlen të theksohet se gjithë takimit kemi qenë pre e një skenari të 4 arbitrave nga Qipro, vendimet e të cilëve ndikuan plotësisht ne rezultat, jo vetëm te penalltia, por gjatë tërë ndeshjes.

Po ashtu, duhet theksuar se kundërshtari në shumë raste nuk respektoi ‘fair play’-n ndaj nesh. Duhet të mobilizohemi dhe të përgatitemi sa më mirë për ndeshjen e kthimit.

Na duhet përkrahja e gjithë simpatizantëve të futbollit të Kosovës e në veçanti ajo e ‘Intelektualëve’, që këtyre djemve t’u japin motiv dhe t’i përkrahin në ndeshjen e kthimit”, – ka thënë trajneri Isufi pas ndeshjes së djeshme në Luksemburg.