Pas atij barazimi në Durrës, Flamurtari ka marrë fitoren e parë në këtë kampionat. Vlonjatët kanë mposhtur në shtëpinë e tyre Kukësin me rezultatin e ngushtë 1-0.
Në Vlorë u zhvillua një ndeshje e bukur, me të dyja ekipet që luajtën hapur dhe kërkuan golin. Kukësi ishte i rrezikshëm me Rexhinaldon, ndërsa vlonjatet kërkuan ta gjejnë rrugën e rrjetës me anë të Torasa dhe Bushiç.
Kur po i drejtoheshim fundit të pjesës së parë, Flamurtari kalon në avantazh. Do të ishte një “ish”, si Albi Alla, që çon topin në rrjetë pas kromimit të Torasës.
Në minutat e fundit të takimit do të kishte edhe momente tensioni mes tifozëve vlonjat dhe arbitrit Laver Alla. Deri në fund, pavarësisht presionit të Kukësit, rezultati mbeti i pandryshuar dhe Flamurtari merr një fitore me shumë vlerë.
Ndërsa Skënderbeu, pas fitores së rëndësishme 1-0 të marrë në javën e parë kundër Partizanit, ka fituar pasditen edhe pasditen e sotme në fushën e Kastriotit, të mundur 3-0.
Një fitore kjo që ka qenë e merituar nga lojtarët e Orges Shehit, të cilët kanë zgjidhur gjithçka në pjesën e parë të ndeshjes. Ka qenë Demte që ka zhbllokuar ndeshjen në minutën e 16-të, teksa Bregu ka dyfishuar avantazhin e miqve në të 30-ën.
Bregu ka qenë protagonist edhe kur kishin mbetur katër minuta nga fundi i ndeshjes, duke shënuar golin e tretë dhe të fundit të ndeshjes.
Ky sukses i jep mundësinë korçarëve të marrin kreun e Superiores dhe të shkojnë dy pikë larg Laçi-t, skuadra që mban vendin e dytë për momentin dhe kundërshtari i ardhshëm i bardhekuqve në kampionat.
