Mund të kesh vëlla më të mirin e botës, Lionel Messin, por kjo nuk do të thotë t’i shpëtosh drejtësisë. Matias Messi, vëllai i yllit të Barcelonës dhe Argjentinës, Lionel, është dënuar për armëmbajtje pa leje.
Matias u dënua me 2 vite e gjysmë burg, me vendim të gjykatës në Argjentinë, këtë të enjte, por nuk do të bëjë asnjë ditë pas hekurave.
Dënimi i vëllait të yllit argjentinas është konvertuar në punë në shërbim të komunitetit. Gazeta “La Capital” në qytetin Rosario të Argjentinës ka informuar se vendimi u arrit pas një marrëveshje me prokurorët.
Arma i është sekuestruar në fund të vitit të kaluar dhe ndodhej në një jaht me të cilën Messi ishte përplasur në Parana River.
35-vjeçari Matias Mesi u mbajt nën arrest teksa ishte në një spital në provincën Santa Fe të Argjentinës, duke u rekuperuar nga dëmtimet e pësuara nga përplasja, për t’u lënë më pas i lirë.
Avokati i Messi fillimisht pranoi se klienti i tij ishte përplasur, por mohoi që të posedonte armë.
