Gjykata e Krujës ka dhënë masën ‘Arrest me burg’ për Ylli Çangun dhe Valter Bamin e Skënder Lezen, ndërsa pritet të japë masën edhe për Marklen Hakën. Ndërkohë i lirë u la Lutfi Haka.
Nën masa të forta sigurie ka nisur seanca gjyqësorë në Gjykatën e Krujës, ku u dha masa për 5 të arrestuarit gjatë aksionit të policisë në Nikël.
Gjyqtare e çështjes është Enkelejda Hoxha dhe prokuror Petrit Çano.
Nga aksioni i pak ditëve më parë nga forcat RENEA u arrestuan pesë persona, konkretisht Lutfi Haka 67 vjeç, Marklen Haka 27 vjeç, Ylli Çangu, 42 vjeç, Skënder Leza, 34 vjeç, Valter Bami, 32 vjeç.
Në banesat e tyre policia gjeti dhe sekuestroi armë dhe para. Më herët Prokuroria kërkoi masën ‘Arrest me burg’ për 5 të arrestuarit.
Aksioni i policisë në Nikël të Fushë-Krujës nisi rreth orës 05:00 të mëngjesit të 12 shtatorit dhe pati si qëllim goditjen e një prej grupeve më të përfolur për disa ngjarje të rënda në Tiranë.
VAZHDO TË LEXOSH MË TEPËR PËR TEMËN
