Ndoshta duket e çuditshme, por ju mund të fitoni 13 mijë euro vetëm duke qëndruar në shtrat.
NASA ka nxjerr një njoftim ku kërkon një person, i cili duhet të qëndrojë në shtrat për 70 dite me radhë dhe në fund do të fitojë një shumë prej gati 13 mijë eurosh.
Agjencia amerikane e Hapësirës kërkon që të eksperimentojë duke krijuar një ambient të ngjashëm me atë të një astronauti në hapësirë. Përveç gjumit, punonjësit i kërkohet që të pastrohet dhe të ushqehet në të njëjtin vend dhe në të njëjtin pozicion.
Shkencëtarët do të mbledhin të dhëna për presionin e gjakut, shkallën e zemrës, absorbimin e vitaminave, konsumin e energjisë, masën e kockave, madje edhe gjendjen shpirtërore.
E gjithë kjo do t’i ndihmojë ata të kuptojnë se si vepron jeta në univers, kur graviteti e merr çështjen në duart e veta, veçanërisht nëse planifikohet që njerëzit të udhëtojnë në Mars.
Ky person do të jetë në gjendje të luftojë me mërzinë duke i lejuar atij që të arrijë disa nga qëllimet e tij – të ndjekë një kurs në internet ose të mësojë një gjuhë të re.
