11.09.2018 - 16:34
Ministri i Brendshëm serb, Nebojsha Stefanoviç, në një konferencë për media ditën e sotme, ka deklaruar se i ka dërguar kreut të INTERPOL-it fakte me shkrim që Kosova mos të anëtarësohet në këtë organizatë ndërkombëtare.
Sipas ministrit të brendshëm serb, një shtet mund të bëhet pjesë e INTERPOL-it vetëm nëse është anëtar i OKB-së.
Sipas njoftimeve, Asambleja e Përgjithshme e Interpolit do të mbahet në Emiratet e Bashkuara Arabe dhe aplikacioni për anëtarësim i Kosovës është përfshirë në draftin e axhendës së përkohshme të sesionit të 87 të Asamblesë së Përgjithshme të Interpolit, ku do marrin pjesë si të anëtarësuara në këtë organizatë, 192 shtete.
