Ditët e fundit në Izrael po zhvillohen punimet e “Konferencës së 18-të Ndërkombëtare të luftës kundër terrorizmit”, pjesë e të cilave nga Shqipëria ishte edhe Ministri për Evropën dhe Punët e Jashtme, Ditmir Bushati.
Gjatë fjalës së mbajtur në Konferencë, ministri Bushati, ka treguar angazimin dhe kontributin e vendit tonë në luftën kundër terrorizmit e ekstremizmit.
Më tej ai nuk ka lënë pa përmendur dhe idetë e reja në lidhje me tolerancën, respektimin e të drejtave dhe rolin edukimit.
Ndërkohë ai ka folur dhe mbi planin e hartimit e zbatimit të politikave të posaçme strategjike, sociale, politike, ligjore, edukative dhe ekonomike.
“Ashtu si rrjetet terroriste janë transnacionale, kështu duhet të jetë edhe bashkëpunimi ynë. Ne duhet të bëjmë gjithçka është e nevojshme për të prishur lidhjen mes radikalizimit dhe terrorizmit duke adresuar çështjet e ndryshme dhe komplekse në mjedise ku ushqehen akte terroriste. Duhet të miratojmë një “përpjekje të të gjithë shoqërisë” duke u angazhuar me shoqërinë civile, komunitetin dhe udhëheqësit fetarë, dhe të rinjtë”, u shpreh Ministri i Jashtëm Ditmir Bushati.
