Ministri për Evropën dhe Punët e Jashtme, Ditmir Bushati ka takuar kryeministrin, si dhe njëherësh ministrin e Jashtëm të Izraelit, Benjamin Netanyahu.
Gjatë këtij takimi ata diskutuan çështje të rëndësishme të bashkëpunimit dypalësh, zhvillimet në fushën e sigurisë në Lindjen e Mesme dhe në rajonin e Ballkanit, lufta kundër terrorizmit dhe ekstremizmit të dhunshëm, zhvillimi ekonomik dhe mbrojtja kibernetike.
Ministri Bushati e njohu kryeministrin Netanyahu me zhvillimet në rajon dhe me rolin e Shqipërisë si faktor stabiliteti.
Ndërsa, Kryeministri Netanyahu vlerësoi qasjen e Shqipërisë ndaj sfidave të sigurisë në rajon dhe më tej, si dhe shprehu interesin e Izraelit për të forcuar më tej bashkëpunimin në këtë fushë.
Ministri Bushati dhe Kryeministri Netanyahu diskutuan gjithashtu për mundësinë e bashkëpunimit në fusha me interes reciprok si inovacioni, ekonomia, arsimi, kultura.
Gjatë vizitës së tij në Izrael, Ministri Bushati do të zhvillojë disa takime bilaterale, si me Ministrin e Mbrojtjes, Ministrin për Bashkëpunimin Rajonal, Lideren e opozitës, Drejtuesit e Komitetit Amerikano-Hebre dhe Kongresit Botëror të Hebrenjve.
M.H
VAZHDO TË LEXOSH MË TEPËR PËR TEMËN
Bushati me zyrtarin amerikan: Shqipëria rol konstruktiv në rajon
