21.09.2018 - 23:14
Çifti shumë i dashur për publikun mbarë shqiptarë, prezantuesja Elita Rudi dhe reperi Gjiko, pasi u përfolën shumë për dasmën, mbrëmjen e së premtes ata i kanë dhënë fund beqarisë duke kurorëzuar në martesë lidhjen e tyre.
Në një dasmë përrallore, çifti i famshëm ka festuar mes qindra të ftuarve, në një ambient fantastik, ndërsa janë publikuar edhe videot e para nga dasma e tyre.
Në një nga videot e publikuara, Gjiko dhe Elita janë filmuar duke vallëzuar nën ritmet e këngës së reperit.
Por sigurisht që nuk ka munguar edhe muzika popullore.
Gjiko është shfaqur më serioz se kurrë me një kostum ngjyrë blu të errët, duke dalë nga stili i tij prej reperi.
