Italia do të kërkojë të marr çmimin “Oscar” me filmin “Dogman”, i regjisorit të Gomorrah. Ai të do konkurrojë në kategorinë e filmave me metrazh të gjatë në gjuhë të huaj.
“Dogman” ka për protagonist Marcellon, një shitës kafshësh të urtë dhe xhentil, i cili jeton për dy qëllime: për vajzën Alida, e cila ka pasion zhytjet dhe që ëndërron ta dërgojë në ndonjë ishull ekzotik, dhe qentë që i kuron dhe kujdeset për to me afeksionin më të madh.
“Dogman”, siç shpjegon Garrone, është një film që frymëzohet lirisht nga një krim i ndodhur 30 vite më parë, por që faktet nuk rindërtohen ashtu siç kanë ndodhur dhe siç janë paraqitur në kronikën e zezë.
Garrone ka nisur të punojë me skenarin 12 vjet më parë, ku përgjatë kësaj kohe e ka riparë disa herë skenarin për modifikime të ndryshme. Vetëm me anë të takimit të protagonistit të filmit një vit më parë, me Marcello Fonten, me humanizmin e tij, regjisori arriti të ndriçohej se si ta trajtonte një subjekt kaq të zymte dhe të dhunshëm.
