Zona muzeale në Gjirokastër mblodhi këtë fundjavë shumë vizitorë që nuk mund të humbisnin gatimet tradicionale të brumit të përgatitura nga duart e amvisave gjirokastrite.
Edicioni i parë i këtij Festivali që bëri bashkë kostumet, muzikën dhe gatimet nën etiketën e “traditës së mirë” rezultoi i sukesshëm. Gatimet tradicionale të gjitha brum u shijuan jo vetëm nga banorët e Gjirokastrës por dhe turistët e shumtë.
Panairi synon të promovojë traditën e mirë të qytetit të grutë, ndaj dhe është mbështetur në këtë organizim të parë nga autoritetet vendore.
Kulinaria bëri bashkë jo vetëm ata që kishin nepsin e shijimit të pjatave tradicionale por edhe grupe ansamblesh foklorike nga Tepelena, Kolonja, Gramshi dhe Elbasani që i dhanë nje karaktar përtej krahinor kësaj feste.
Një e vecantë e këtij eventi ishte dhe fakti që vec gatimeve të amviseve qytetarët apo turistët patën mundësinë të shikonin përgatitjen e recetave në tre ambjente të ndryshme të zonës muzeale nga tre mjeshtra të njohur në Shqipëri dhe jashtë saj. Përgatitja e ballokumeve tërhoqi jo pak vëmendjen ndërsa po kaq tërheqëse në shije ishin dhe gatimet e Përmetit.
Përgatiti: E.B
VAZHDO TË LEXOSH MË TEPËR PËR TEMËN
Kulinaria Gjirokastrite në një festival unik
