MENU
klinika

Vendimi jo i plotë?

Gjyqtarja u konfirmua në detyrë, KP ankimon vendimin

24.09.2018 - 15:44

Është ankimuar sot vendimi për gjyqtaren e Apelit të Krimeve të Rënda, Nertina Kosova, e cila kaloi vettingun duke u rikonfirmuar kështu në detyrë. Mësohet se vendimi u dha nga Komisioni i Pavarur i Kualifikimit më 18 korrik të këtij viti. Sipas Komisionerit Publik hetimi lidhur me rastin e gjyqtares Kosova ishte i paplotë.

NJOFTIMI I KOMISIONERIT

Komisioneri Publik, brenda afatit ligjor, ka ushtruar ankim në Kolegjin e Posaçëm të Apelimit pranë Gjykatës Kushtetuese, kundër vendimit nr. 43, datë 18.07.2018, të Komisionit të Pavarur të Kualifikimit, për subjektin e rivlerësimit znj. Nertina Kosova, magjistrat/gjyqtare në Gjykatën e Apelit për Krime të Rënda, kandidate për anëtare të Këshillit të Lartë Gjyqësor.

Në vlerësimin e Komisionerit Publik, në rastin konkret, hetimi i Komisionit të Pavarur të Kualifikimit nuk është i plotë. Për rrjedhojë, faktet dhe provat e administruara në përfundim të këtij hetimi administrativ janë të pamjaftueshme për të mbështetur vendimin e Komisionit të Pavarur të Kualifikimit për konfirmimin në detyrë të subjektit të rivlerësimit, referuar pikës 1, të nenit 59, të ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”.

vettingu
vettingu

Bazuar në përmbajtjen e pikës 3, të nenit F, të aneksit të Kushtetutës së Republikës së Shqipërisë, Komisioneri Publik, nëpërmjet këtij ankimi, kërkon nga Kolegji i Posaçëm i Apelimit që këto mangësi të hetimit administrativ, të kryer nga Komisioni i Pavarur i Kualifikimit, të mund të riparohen nga Kolegji gjatë shqyrtimit të çështjes në seancë gjyqësore.

Mbështetur në pikën 1, të nenit 16, të Rregullores së Institucionit të Komisionerëve Publikë, ankimi është publikuar në faqen zyrtare të këtij institucioni: www.ikp.al.

Institucioni i Komisionerëve Publikë është ngritur dhe funksionon në bazë të nenit 179/b, të aneksit të Kushtetutës së Republikës së Shqipërisë dhe ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”. Komisionerët Publikë përfaqësojnë interesin publik gjatë procesit të rivlerësimit kalimtar të gjyqtarëve dhe prokurorëve në Republikën e Shqipërisë.

"Pipero u infektua se organizmi s’ka antitrupa pas..."

Mutacioni i Covid, Bino: Tek ne nuk ka deri tani!

Zgjerimi i Greqisë/ Ku qëndron marifet-mashtrimi nga pala greke me Othonoin

Kolonel Pashaj: Kryeministri i Shqipërisë nuk do të pranonte kurrë që…

Çështjet e nxehta që priten të shqyrtohen

Nesër mbahet seanca e parë e Gjykatës Kushtetuese