MENU
klinika

Grabitjet në Rinas

Grabiti bankat, gjykimi pezullohet 1 vit për ‘kokën’ e bandës

09.09.2018 - 19:54

Gjykimi për Admir Muratajn, ose shtetasin e njohur ndryshe si Admir Nikaj, është shtyrë nga Gykata e Krimeve të Rënda.

Murataj dyshohet të jetë një nga liderët e grupit kriminal që kryente grabitjen dhe transportin e parave të bankave të nivelit të dytë.

I akuzuari, u arrestua në shtetin grek ku dhe ka qëndruar i burgosur në burgun e Trikallas, deri në momentin kur ai u arratis.

Shkaku për të cilin gjykimi i Admir Nikajt u shty, janë bërë disa ndryshime në Kodin e Procedurës Penale.

Gjatë kësaj periudhe, Gjykata kërkon që brenda 1 viti, Prokuroria dhe Policia, të arrestojnë Muratajn, teksa ai është në kërkim.

Në grabitje merrnin pjesë 7 individë, ku një prej tyre është dhe vëllai i Muratajt, Aleksandër Murataj, i cili pretendon se është i pafajshëm.

kolana e librave

Ky i fundit së bashku me shtetasit e tjerë të përfshirë në krim, janë në proces gjykimi.

Kujtojmë se grupi akuzohet se ka kryer të paktën tri grabitje të bujshme bankash dhe në total mund të ketë grabitur 7 milionë euro.

Grabitja e parë është realizuar më 3 dhjetor të vitit 2015, në segmentin Qafë-Kashar-Rinas ku transportohej një shumë e konsiderueshme parash nga një bankë e nivelit të dytë.

Grabitja e dytë ka ndodhur më 9 shkurt të vitit 2017, po në rrugën e Rinasit.

Ndërsa grabitja e tretë ka ndodhur më 13 shkurt në një bankë në afërsi të ish-Stacionit të Trenit në Tiranë, ku u vodh një tjetër sasi e konsiderueshme parash.