Ndërkohë që një ditë më parë, kryeministri grek Aleksis Tsipras tha se nuk ekziston çështja çame, sot nga Norvegjia, ministri i jashtëm Nikos Kotzias tha se pakti me Shqipërinë do të mbyllet së shpejti.
“Jam optimist, së shpejti do mbyllen me sukses negociatat me Shqipërinë, për paketën me 10 çështje, mes tyre dhe përcaktimi i kufirit detar dhe zonës detare”- u shpreh Kotzias.
Ministri i jashtëm grek, mbajti fjalim në Institutin e Marrëdhënieve Ndërkombëtare të Norvegjisë për akademikët e politikanët e vendit, gjate vizites zyrtare atje.
Në fjalën e tij Kozias foli për rolin lider të Greqisë në rajon dhe diplomacinë greke të cilën e cilësoi “paqësore, e dinamikës inteligjente dhe e dialogut”.
Duke u ndalur në marrëveshjen me Prespës, shefi i diplomacisë greke u shpreh se ishte vendim i qeverisë Tsipras të merrte rol aktiv dhe e konsideroi atë risi e një kompromisi të drejtë në rajon, që vlen si burim frymëzimi për raste paralele me mosmarreveshje shumëvjecare.
VAZHDO TË LEXOSH MË TEPËR PËR TEMËN
