Ministrja e Jashtme e Kroacisë Marija Pejcinovic Buric ka takuar Sekretarin Amerikan të Shtetit Mike Pompeo me të cilin ka folur edhe për çështjen e Kosovës.
Sipas njoftimit zyrtar të Ministrisë së Punëve të Jashtme së Kroacisë shkruhet se përpos të tjerave temë e bisedës me Sekretarin Amerikan kanë qenë edhe raportet ndërmjet Kosovës dhe Serbisë.
Ministrja kroate, ka theksuar rëndësinë e arritjes së një zgjidhjeje të qëndrueshme midis Kosovës dhe Serbisë dhe që nuk do ta cënojë stabilitetin e rajonit, duke marrë parasysh dhe implikimet tjera të sigurisë jashtë kufijve të rajonit.
Kroacia ka dalë me qëndrim kundër ndryshimit të kufijve midis Kosovës dhe Serbisë.
Ky qëndrim është bërë i ditur disa javë më parë gjatë takimit të Kryeministrit të Kroacisë Andrej Pletkoviç me Kancelaren e Gjermanisë.
Nuk duhet harruar që marrëdhëniet e Kroacisë dhe Serbisë janë dëmtuar pas incidentit të shkaktuar nga Vojislav Sheshel, kryetarit të Partisë Radikale serbe, i cili shau delegacionin kroat dhe përdhosi flamurin kroat. Kjo gjë ndodhi pas një takimi zyrtar të delegacionit kroat në Beograd.
VAZHDO TË LEXOSH MË TEPËR PËR TEMËN
SHBA midis marrëveshjes Kosovë-Serbi
