Mbahet më 27-28 shtator, lancimi i projektit LASPEH (Speciet dhe habitatet e Adriatikut), bashkë financuar nga Programi INTERREG IPA CBC”, Itali-Shqipëri-Mali i Zi rreth 500.000 €.
Përfituesi kryesor i këtij projekti është Konsorciumi i Menaxhimit të Parkut Natyror Rajonal “Duna Bregdetare nga Torre Canne në Torre San Leonardo”, në bashkëpunim me partnerin shqiptar (Agjencia Kombëtare e Zonave të Mbrojtura), një partner malazez (Ndërmarrja Publike e Parqeve Kombëtare të Malit të Zi) dhe tre partnerë italianë (Organi Menaxhues i Rezervave Natyrore Rajonale të Bregut Lindor të Taranto, Komuna e Ugento dhe Bashkia Guardiaregia).
Projekti LASPEH, është pjesë e shtyllës 3 të programit (Mbrojtja e Mjedisit, menaxhimi i rrezikut dhe strategjia e ulët e karbonit) dhe synon të promovojë dhe mbështesë mbrojtjen e biodiversitetit (shumëllojshmëria biologjike) duke reduktuar tkurrjen e diversiteteve biologjike.
LASPEH përballet me humbjen e biodiversitetit duke përcaktuar një strategji të përbashkët për të ruajtur trashëgiminë natyrore dhe peisazhin në Pellgun e Adriatikut të Ulët.
Në Shqipëri projekti do të veprojë në zonën e Malit të Tomorit, Dardhë dhe Kapinov.
Projekti do të ndërmarrë përmirësime me pyllëzime të këtyre territoreve, duke përmirësuar habitatet e një specie të rrezikuar, që rritet në këtë zonë si Gjeli i Egër (Tetrao Urogalus).
Megjithëse kjo zonë është “shtëpia” natyrore e kësaj specie të rrallë, numri i individëve këto 20 vite ishte ulur shumë, duke shkuar drejt zhdukjes.
Prania e kësaj specie ka ardhur duke u rritur, me vendosjen e moratoriumit të gjuetisë.
Ajo çfarë projekti parashikon ndërmarrjen e fushatës sensibilizuese dhe edukuese me nxënësit e shkollave dhe komunitetin e zonës.
LASPEH do të zbatojë disa aktivitete si një strategji e përbashkët rajonale (vendet e Adriatikut) për menaxhimin më të mirë të specieve prioritare në zonat e Natura 2000.
Planet e ruajtjes për llojet prioritare dhe fushat pilot të tyre do të miratohen në nivel rajonal.
Do të ketë veprime pilote konservuese për të përmirësuar nivelin mbrojtjen e specieve dhe habitateve të synuara dhe rritjen e ruajtjes afatgjatë të mjedisit, dhe së fundi fushatën ndërgjegjësuese për palët e interesuara.
