MENU
klinika

Analiza e ish-kapitenit të Kombëtares

Lorik Cana: Fati ndihmon atë që e kërkon

08.09.2018 - 10:27

Në ndeshjen ndaj Izraelit, ku kombëtarja kuqezi fitoi 1-0 me gol të Xhakës, nuk mund të mungonte edhe ish-kapiteni Lorik Cana. Fitorja 1-0 ndaj Izraelit i ka lënë një shije të mirë, ndërkohë që nuk heziton të thotë se janë ende shumë gjëra për t’u rregulluar.

Lartëson dëshirën e madhe të të gjithë lojtarëve kuqezinj, që ishin në fushë, por kryesisht veçon paraqitjen mbresëlënëse të debutuesit Egzon Binaku në krahun e majtë të mbrojtjes.

“Me rëndësi është që kemi fituar dhe kemi mundësi të punojmë me një klimë të mirë në vijim. Sigurisht, ka shumë gjëra që duhet të përmirësohen, nëse duam të marrim rezultate të mira.

lorik cana
lorik cana

Fundja, fitorja na lë shije mjaft të mirë, sepse mundëm një kundërshtar, i cili nuk është aspak i lehtë. Kjo na jep mundësi të punojmë me qetësi dhe ta përgatisim si duhet ndeshjen e pas tri ditëve në Skoci.

Fati më së shumti ndihmon atë që e kërkon, por duhet t’i rregullojmë disa gjëra, që të mos mbetemi në dorë të rastësisë. Luajtëm më mirë në pjesën e dytë. Janë gabime të përmirësueshme.

konica sportkonica sport mobile

Në fakt, mbrojtësin e krahut të majtë, Binakun, nuk e kisha parë asnjëherë “live” dhe më bëri një përshtypje jashtëzakonisht të mirë. Thomas zhvilloi një ndeshje shumë cilësore, me nivel dhe në momentet kyçe u tregua gati.

lorik cana dhe hysaj
lorik cana dhe hysaj

Veseli, pavarësisht vështirësive të fillimit, e mori shumë mirë veten dhe shpëtoi nja dy-tri raste decizive. Edhe lojtarët e tjerë luajtën me shumë dëshirë, më shumë moral, edhe pse jo në formën më të mirë të mundshme fizike.

E përsëris, kjo fitore do të na ndihmojë të çlodhemi edhe psikologjikisht. Të ardhme sigurisht që ka për kombëtaren. Gjithmonë do të ketë lojtarë të rinj, do t’iu jepen mundësitë e përfaqësimit të fanellës kuqezi.

Tashmë edhe Kosova ka projektin e vet dhe do të jetë e suksesshme. Pra, do të punojmë në dy fronte dhe prurje do të kemi më pak. Ky brez lojtarësh nuk ka dhënë akoma më të mirën e vet, ndaj mund të vazhdojë akoma, edhe për disa vite. Kosovën e ndoqa pjesën e parë, pastaj m’u desh të vij këtu. Do të shkoj ta ndjek “live” të hënën, në Prishtinë” është shprehur Lorik Cana.

VAZHDO TË LEXOSH MË TEPËR PËR TEMËN


Nga Hysaj e Xhaka, te Basha e Hyka

Kuqezinjtë: S’ishte perfekte, s’mbaron këtu!