Një studim i ri tregon se gjatësia juaj mund të luajë rol të rëndësishëm në krijimin e variçeve.
“Çdo 4 centimetra lartësi rrit rrezikun e shfaqjes së variçeve në venat tuaja me rreth 25%”, tha studiuesi Dr. Erik Ingelsson, një profesor i mjekësisë kardiovaskulare në Shkollën e Mjekësisë të Stanford University”.
“Ne kemi dëshmi mjaft të fuqishme se gjatësia e lidhur me gjenetikën është një rrezik i madh i krijimit të variçeve“, tha Ingelsson, megjithëse studimi nuk ka provuar përfundimisht shkakun e vërtetë.
Variçet janë të fryra, të përdredhura, vena që mund të shihen vetëm nën sipërfaqen e lëkurës. Ato janë shpesh ngjyrë vjollcë e errët ose blu dhe më shpesh shfaqen në këmbë.
“Variçet nuk rrisin rrezikun për sulme në zemër apo ishemi të trurit”, shpjegoi kardiologu Dr. Nieca Goldberg, në New York City. “Por variçet mund të shkaktojnë kruarje ose të bëhen të dhimbshme dhe mund të shkaktojnë ënjtje të këmbëve”, shtoi ajo.
Rreth 25% e grave dhe 15% të meshkujve preken nga venat varikoze apo siç quhen ndryshe variçet.
Si formohen variçet?
“Venat janë të dizenjuara për të shpejtuar rrjedhjen e gjakut deri në zemër, me valvola një-kalimshe që nxisin rrjedhjen e gjakut”, tha Goldberg.
Kur këto valvola të njëanshme fillojnë të dështojnë, gjaku mund të fillojë bashkimin e venave, duke shkaktuar rritje dhe shtrirje në muret e venave. Është e njohur se ka faktorë gjenetikë të përfshirë në zhvillimin e variçeve, tha Ingelsson.
Por nëse keni një histori familjare atëherë mundësia për t’u sëmurur është më e madhe.
Për të shqyrtuar faktorët e mundshëm të rrezikut nga variçet, hulumtuesit analizuan shëndetin e më shumë se 413,000 njerëzve të moshës 40-69 vjeç në të gjithë Mbretërinë e Bashkuar.
Kjo përfshinte një paraqitje të shënuesve gjenetikë për më shumë se 337,000 prej atyre pjesëmarrësve, duke përfshirë rreth 9,600 të tyre me variçe.
Hulumtuesit konfirmuan një sërë faktorësh të njohur të rrezikut, duke përfshirë moshën, gjininë, obezitetin, shtatzëninë dhe historinë e trombozës së thellë.
Por kur ata rendisnin njerëzit me gjatësi, gjetën se ata me gjatësi më të madhe kishin 74% më shumë gjasa për të pasur variçe se njerëzit me gjatësi mesatare apo të shkurtër.
Hulumtuesit gjetën gjithashtu një korrelacion të fortë gjenetik midis trombozës së thellë dhe variçeve.
“Nëse jeni më i gjatë, ju keni presion më të lartë poshtë në venat tuaja”, tha ai. “Venat po e shtyjnë gjakun deri në zemër. Nëse jeni i gjatë, kjo krijon më shumë presion“.
“Njerëzit e gjatë mund të ndihmojnë në reduktimin e rrezikut të variçeve duke veshur çorape shtrënguese, veçanërisht nëse ata shpenzojnë shumë kohë në këmbë”, tha Goldberg. “Variçet që janë bërë shumë të pakëndshme mund të hiqen në mënyrë të sigurtë përmes kirurgjisë me lazer”, shtoi ajo.
“Në rastet kur këto venat janë irrituar, kruhen, infektohen apo shkaktojnë ënjtje, ju duhet të shkoni te një specialist i enëve të gjakut sepse mund t’iu duhet të bëni një procedurë që do t’iu ndihmojë në eliminimin e variçeve”, tha Goldberg.
VAZHDO TË LEXOSH MË TEPËR PËR TEMËN
