Dialogut midis dy liderëve politikë Kosovë-Serbi, Presidenti i Serbisë, Aleksandër Vuçiç, i ka paraprirë me një tjetër takim të rëndësishëm me ambasadorin e Rusisë, Aleksandër Chepurin.
Mësohet se gjatë takimit të tyre është diskutuar edhe në lidhje me dialogun ndërmjet Kosovës dhe Serbisë në Bruksel.
Sipas medias serbe ‘Novosti’, Vuçiç është shprehur se është e nevojshme që të arrihet një marrëveshje reale dhe e qëndrueshme që nuk do të cënojë interesat shtetërore të Serbisë.
Në vijim të takimit, ambasadori Chepurin, ka pohuar se Rusia gjithnjë do të ofrojë mbështetjen për Serbinë edhe në Kombet e Bashkuara por edhe në organizatat tjera ndërkombëtare.
Ndërkohë takimi midis presidentit të Kosovës, Hashim Thaçi, dhe presidentit të Serbisë, Aleksandër Vuçiç, do të zhvillohet në Bruksel më datë 7 shtator.
Dy ditë më pas, presidenti Vuçiç, pritet që të realizojë një vizitë në Republikën e Kosovës, ku do të takohet me serbët në veriun e Mitrovicës.
VAZHDO TË LEXOSH MË TEPËR PËR TEMËN
“Marrëveshja Kosovë-Serbi arrihet në nëntor”
