MENU
klinika

Dom Artur Jaku

“Nuk mund të besosh tek Zoti e të jesh mafioz”

15.09.2018 - 21:20

Kush është mafioz nuk jeton si i krishterë, sepse blasfemon me jetën e vet kundër emrit të Zotit-dashuri…

Prandaj, mafiozëve u them: ndryshoni! Mos mendoni më për veten tuaj e për paratë, kthehuni kah Zoti i vërtetë i Jezu Krishtit! Përndryshe, vetë jeta juaj do të humbasë e ky do të jetë më i keqi i dështimeve.

Ishin këto fjalë që Papa Françesku ia drejtoi popullit siçilian duke e nxitur të mos përkulet përballë së keqes.

Ati i Shejtë vizitoi sot Palermon me rastin 25-vjetorit të vrasjes nga Cosa Nostra të “priftit që trembi mafien me buzëqeshje”, Don Pino Puglisit.

kolana e librave

Më 1990, Don Puglisi qe kthyer në lagjen e tij të vjetër, ku vendin e shtetit e kish zënë mafia. Ngriti qendra për të pamundurit dhe fëmijët duke i inkurajuar të shkolloheshin e të linin rrugët e vjedhjet. Gjatë shërbimit të tij as nuk pranoi marrëveshje me mafian lokale.

U përpoq të ndryshonte mentalitetin e zonës, që jetonte nën thundrën e frikës dhe omertës.
Meshtari pati fe dhe guxim të ngrinte zërin kundër së keqes. Mbrëmjen e 56 vjetorit të tij e vranë dhe fjalët e vetme që i tha armëmbajtësit ishin: Të prisja!

Vrasësi që u ba bashkëpunëtor i drejtësisë rrëfente se At Puglisi atë natë “kishte një lloj drite në atë buzëqeshje …transmetonte forcën e Zotit: jo rreze verbuese, por dritë e butë, që depërton thellë dhe shndrit zemrën”.

Sot 25 vite nga vrasja e tij, kur ende do të mund ta kishim gjallë kuptojmë se vetëm me dhe për Zotin fitohet.
In hoc signo vinces!