Koalicioni i Italisë i Lëvizjes Populiste Pesë Yje dhe Ligës që janë kundër Emigracionit po fiton miratimin e opinionit publik…
Rreth 62 për qind e italianëve miratojnë aleancën qeverisëse të udhëhequr nga kryeministri Giuseppe Conte, sipas një sondazhi të bërë për të përditshmen italiane La Repubblica.
Ky është niveli më i lartë që kur qeveria mori detyrën më 1 qershor.
Conte dhe ministri i tij i financave Giovanni Tria po përpiqen që të paraqesin deri më 27 shtator përvijimin e një buxheti të vitit 2019, i cili do të adresojë premtimet e fushatës të bëra nga Luigi Di Mao dhe Matteo Salvini, duke hequr kështu shqetësimet nga disa politikëbërës europianë se plani mund të lëkundë rregullat për kontrollin e deficitit dhe borxhin e madh publik.
Duke folur në një ngjarje në Milano të shtunën, kreu i partisë League Salvini përsëriti qëndrimin e tij se “së pari vjen rritja ekonomike dhe pastaj të tjerat”.
Ai përsëriti se prioritetet e tij përfshinin uljen e moshës së pensionit, uljen e taksave mbi të ardhurat dhe zhdukjen e burokracisë.
Përdorimi i shpeshtë i mediave sociale dhe retorika anti-emigracioni nga Salvini vazhdon ende por duket se këto e kanë bërë ministrin më të afërt me votuesit.
Partia e tij tejkaloi Lëvizjen Pesë Yjet në sondazhin e kryer nga 11 deri në 13 shtator.
Partia Demokratike e udhëhequr dikur nga ish-kryeministri Matteo Renzi ende po humbet mbështetjen, duke patur vetë 17.3 përqind të njerëzve që e mbështesnin në sondazh, krahasuar me 18.7 përqind në zgjedhjet kombëtare të marsit.
Ndërkohë, Di Maio i tha gazetës spanjolle El Mundo në një intervistë këtë javë që Italia nuk dëshiron të ketë konflikte me BE, por përsëriti se sigurimi i të ardhurave bazë për italianët është një nga shtyllat bazë të qeverisë.
Shpesh deklaratat kontradiktore nga koalicioni i ashtuquajtur “verdhë-gjelbër” për angazhimin ndaj rregullave buxhetore të BE, solli një paralajmërim nga Presidenti i Bankës Qendrore Evropiane Mario Draghi të enjten.
“Fjalët në muajt e fundit kanë ndryshuar shumë herë” tha ish-guvernatori i Bankës së Italisë. “Për fat të keq, ne kemi parë se fjalët kanë krijuar dëme dhe normat e interesit janë rritur për familjet dhe kanë përfituar firmat”.
Vërejtjet e Draghi sollën direkt përgjigje nga ministri italian i Punëve të Çështjeve Paolo Savona, i cili u citua nga gazetat italiane duke thënë të premten se komentet e bankierit qendror shkonin përtej fuqive që ai zotëron.
Ai e quajti Draghi “njeri të guximshëm i cili ka punuar në një situatë jashtëzakonisht të vështirë. Problemi është se institucionet duhet të kontrollohen mirë në çdo rrethanë, diçka që nuk ekziston tani”.
VAZHDO TË LEXOSH MË TEPËR PËR TEMËN
Orban dhe Salvini ndryshojnë peisazhin politik në Europë?
