Në qytetin e Shkodrës, janë arrestuar dy zyrtarë dhe janë ndaluar dhe dy të tjerë me motivin, abuzim me pronat.
Të implikuarit e vënë në prangat e policisë janë, juristi i hipotekëssi dhe anëtari i Këshillit Bashkiak, si dhe një shtetas tjetër, për ndikim të paligjshëm.
Përkatësisht, të ndaluarit janë këshilltar i bashkisë Shkodër, Mirjan Bletajt, nën siglën e PS, i cili ka kaluar pak muaj më parë në radhët e LSI-së, gjithashtu edhe juristi i zyrës së regjistrimit të pasurive të paluajtshme, si dhe Sokol Tirana.
Ndërkohë janë prangosur me akuzën e ndikimit të paligjshëm te funksionarët publikë Joan Zefi dhe Ndoc Tara.
Sipas të dhëave të Policisë, zyrtarët e lartpërmendur, dyshohen se kanë abuzuar me pronat, ndërsa ndalimi i tyre është bërë më urdhër të Prokurorisë së Shkodrës.
Njoftimi i Prokurorisë së Shkodrës:
“Prokuroria e Rrethit Gjyqësor Shkodër ka regjistruar kryesisht procedimin penal nr.607, lidhur me veprat penale të parashikuara nga nenet 245/1, paragrafi i dytë dhe 259 të K.Penal.
Në kuadër të këtij procedimi penal, me datë 20.09.2018, janë ndaluar me urdhër të Prokurorisë së Rrethit Gjyqësor Shkodër të dyshuarit:
Mirjan Bletaj, me detyrë jurist pranë ZVRPP Shkodër, i dyshuar për veprën penale të parashikuar nga neni 259 i K.Penal;
Sokol Tirana, i dyshuar për veprën penale të parashikuar nga neni 245/1, prgr.2;
Si dhe janë arrestuar në flagrancë të dyshuarit:
Joan Zefi, i dyshuar për veprën penale të parashikuar nga neni 245/1, prgr.2;
Ndoc Tara, i dyshuar për veprën penale të parashikuar nga neni 245/1, prgr.1;”
