Mëngjesin e sotëm në fshatin Remas në Divjakë, një banesë është rrethuar nga forcat RENEA.
Pasi forcat policore kanë rrethuar shtëpinë, nuk kanë mundur të shmangin konfliktin dhe përplasjen me armë zjarri me pronarin e moshuar të banesës.
Mësohet se forcat RENEA ishin në kërkim të dy të dyshuarve për vrasje të cilët strehoheshin në banesën e 77-vjeçarit Haxhi Lika.
Gjatë shkëmbit të zjarrit, Lika është lënduar në kokë në rrethana ende të paqarta, por fatmirësisht është jashtë rrezikut për jetën.
Sulmi më armë nga ana e RENEA-s ka nisur pasi Lika nuk i është përgjigjur thirrjes së policisë.
Versioni i policisë
Sipas versionit të policisë 77 vjeçari, Haxhi Lika nuk i është përgjigjur thirrjes së Policisë, por ka dalë në dritare me një armë në dorë. Gjithashtu tregohet se është plagosur por pa dhënë detaje mbi rrethanat që kanë ndodhur si dhe saktësohet se policia ka qëlluar në ajër.
“Në momentin që Policia ka bërë rrethimin e banesës dhe konform gjithë procedurave standarde të ndërhyrjes, shtetasi H.L., nuk i është përgjigjur thirrjes së Policisë, por ka dalë në dritare me një armë në dorë (rezultoi armë gjahu). Ndodhur në këto kushte Policia ka qëlluar në ajër duke i bërë thirrje përsëri shtetasin H.L., për të dalë nga banesa.
“Në rrethana ende të paqarta shtetasi H.L., është dëmtuar në kokë dhe ndodhet në spital jashtë rrezikut për jetën. Eksperti mjeko-ligjor po punon për përcaktimin e shkakut të dëmtimit dhe rrethanat.” informoi sot ne mesdite policia e shtetit.
Familjarët: Xhaxhai u godit ne krevat
Por një version krejt të kundërt tregojnë pjesëtarët e familjes. Nipi i Haxhi Likës thotë se xhaxhai i tij është goditur me plumb në kokë ndërsa ka qenë duke fjetur gjumë dhe se aktualisht ndodhet në gjëndje të rëndë në Tiranë.
Haziz Lika: “Rreth orës 04:00 erdhi policia, forcat RENEA. Bënë kontroll. Qëlluan me armë nga jashtë vranë xhaxhanë brenda. Kontrolluan banesën por nuk gjetën asgjë. Nuk na thanë asgjë. Dy djemtë e xhaxhait janë ndaluar. Nuk dimë gjë për ta.
“Gjyshi ka qenë i shtrirë në krevat në momentin kur ka qenë duke u ngritur është qëlluar në kokë” tha dhe nipi i tij.
