“Së shpejti nis xhirimet dhe jam shumë i emocionuar…Bota mund të ndryshojë por jo ai. Asgjë nuk ka përfunduar”.
Me këtë fjali, vetëm pak ditë më parë, Sylvester Stallone dha lajmin e madh për fansat e tij se do të rikthehet në rolin e John Rambo në kapitullin e pestë të filmave “Rambo”.
Por edhe pse në moshën 72-vjeçare, aktori legjendar e ka më shumë se seriozisht angazhimin e tij në këtë rol dhe këtë e tregon më së miri një video e shpërndarë së fundmi.
Sylvester Stallone dhe Mark Wahlberg kanë nisur stërvitjen intensive për të qenë në formë të shkëlqyer fizike për xhirimet e filmave të tyre të rinj “Rambo 5” dhe “The Six Billion Dollar Man”.
Të dy yjet e filmave aksion kanë treguar regjimin e tyre në rrjetin social “Instagram”, gjatë përgatitjeve për xhirimet. Një stërvitje ekstreme për të qenë sa më të gatshëm për rolet e reja.
