Kombëtarja e Gjermanisë nuk po gjen qetësi. Mbrëmë ekipi gjerman nuk shkoi më shumë se një barazim pa gola ndaj Francës, por nuk është ky problemi për “pancerat” e drejtuar nga Joachim Loë.
Sot, Federata Gjermane e Futbollit ka bërë të ditur se Leroy Sane do të largohet nga grumbullimi i “Di Manschaft”, duke e justifikuar këtë vendim për “arsye personale”.
Sane është aktivizuar në pesë minutat e fundit të ndeshjes së luajtur të enjten kundër Francës, por tani nuk do të jetë në dispozicion kundër Perusë të dielën. 22-vjeçari ka patur një nisje të vështirë të sezonit te Manchester City, ku ka humbur vendin e titullarit.
Nuk mësohet ende arsyeja e largimit të Sane, i cili u la jashtë Botërorit. Ndoshta aktivizimi për pak minuta kundër kampionëve të botës ka bërë që ai të gjejë një arsye të braktisë ekipin. Gjithsesi, version zyrtar nuk ka dalë ende.
