Atentati i ndodhur mbrëmë në kryeqytet solli vrasjen e Rigers Gaxha, 26 vjec, truproja i Ervis Martinaj, i cili mbeti i plagosur bashkë me Leart Hasajn.
Mësohet se Martinaj i cili iu nënshtrua një ndërhyrjeje në Spitalin e Traumës është jashtë rrezikut për jetën. Ai kishte marrë një plumb në qafë. Pas operacionit Martina, është dërguar në një spital privat.
Por ai që ndodhet në gjendje kritike është Leart Hasa, të cilin e kanë bërë shosh plumbat. Ai ka plagë në bark, stomak, zorrë, mëlçi, plagë edhe në gojë dhe gjendja e tij është e rëndë.
Policia ka blinduar spitalin e traumës, ndërsa në gjithë Tiranën janë ngritur pika kontrolli nëpër të bërë të mundur identifikimin dhe arrestimin e autorit.
Po kështu policia ka sekuestruar edhe pamjet e kamerave të sigurisë pranë vendit ku ndodhi ngjarja të cilat mund të hedhin dritë mbi krimin e trefishtë.
Gjithashtu mësohet se është ngritur grupi hetimor, i cili përbëhet nga Kreshnik Ajazi e Artan Lulo. Grupi drejtohet nga Elisabeta Imeraj, e cila është drejtuese e prokurorisë së Tiranës.
Per momentin grupi i hetimit ndodhet ne drejtorinë e Tiranës ku po pyeten deshmitarët dhe po sekuestrohen kamerat te bizneseve përreth. Të pranishëm në drejtorinë e Tiranës janë edhe drejtuesit e larte të policisë.
