Mbyllja e basteve është një nga tematikat e cila është trajtuar edhe në mbledhjen për anëtarësimet reja të Partisë Socialiste në Kamëz.
Kryeministri Rama ka deklaruar përveç faktit se do të mbyllen të gjitha bastet “online”, por që do të bllokohen dhe ato nga kompanitë e huaja.
“Opozita thotë se vëllai im do të mbajë bastet, por e vërteta është që do të mbyllen që të gjitha dhe po bëjmë përgatitje për të bllokuar edhe bastet “online” që janë jashtë shtetit. Janë miliona që i merr lumi.
Do të shikojmë se si do të realizohet kjo gjë”, u shpreh Rama.
Kreu i qeverisë, më 15 tetor, u dërgoi një mesazh anëtarëve të Komisionit Parlamentar të Ekonomisë, ku siguron se bastet do të mbyllen në 31 dhjetor dhe nuk do të ketë asnjë “monopol online”.
“Kanë nisur t’ju çojnë lumenj mesazhesh nëpër telefona kundër mbylljes së basteve! Janë të orkestruara nga burgu e nga llagëmet e atyre që fshihen pas kompanive, prandaj mos e vrisni mendjen dhe mos dëgjoni as shpifjen për “monopol online” sepse s’do të ketë asnjë lloj monopoli”, ka thënë Rama.
VAZHDO TË LEXOSH MË TEPËR PËR TEMËN
‘Lojërat e fatit’/ Kryeministria: Gati ligji për bastet
Bastet dhe kazinotë, Rama zbulon dokumentin: Beso e kontrollo
