Pavarësisht se cili do të jetë rezultati i “El Clasico”-s, që luhet të dielën, fati I trajnerit Julen Lopetegui është vendosur. Të paktën kështu raportojnë mediet spanjolle. Raportohet se Antonio Conte është pajtuar për ta shkëputur kontratën e tij me Chelsea, për ta marrë “timonin” e Real Madridit.
Antonio Conte u shkarkua nga Chelsea në korrik të këtij viti, por ai mbetet ende i lidhur me Chelsea, pasi që atij duhet t’i paguhen 10.8 milionë euro për t’u liruar nga kontrata.
Megjithatë, Sport Mediaset shkruan se 49-vjeçari ka arritur një marrëveshje me Blutë në gjykatë në Londër, të premten në mëngjes. Media shkruan se ish trajneri i Juventus dhe Italisë ka arritur një “marrëveshje gojore” me Madridin për ta zëvendësuar Julen Lopetegiu, i cili mund të shkarkohet nëse Los Blancos humbin El Clasico-n kundër Barcelonës të dielën.
Conte duket se “ka fituar besimin edhe të futbollistëve së Real Madridit”, ku kapteni Sergio Ramos dhe ish-portieri i Chelsea e duan atë për trajner. Tani pritet se cfarë do të ndodhë pas të dielës, ku një humbje me siguri do të sjellë rokadë te stoli i Realit.
VAZHDO TË LEXOSH MË TEPËR PËR TEMËN
Derbi madrilen mbyllet pa fitues
E pëson në limit, Real konfirmon krizën
