U mbyll die edicioni i 48-të i Festivalit të Teatrit në Ferizaj të Kosovës mbrëmë me shfaqjen teatrale “Im atë donte Adolfin” nga Teatri i Qytetit- Gjilan. Në këtë edicion performuan 100 aktorë dhe pati mbi 2000 shikues.
Në këtë edicion të 48-të Festivalit të Teatrove në Ferizaj si e veçantë ishte konkurrimi me katër drama shqipe si dhe pjesëmarrja e shfaqjes mysafire nga Franca.
Për tetë netë me radhë në skenën e Teatrit “Adriana” dhanë shfaqje trupa teatrore nga Prishtina, Shkupi, Korça, Prizreni, Gjilani, Kumanova, Ferizaj, dhe shfaqja mysafire “Le Pont” nga Franca me dy aktorët e mirënjohur Rexhep Mitrovica dhe Arben Bajraktaraj.
Pas tetë netësh shfaqje teatrale të produksioneve ndër më të mira të sivjetmë, juria e festivalit e përbërë nga Fadil Hysaj, Blerta Rrustemi-Neziraj dhe Nexhat Xhokli dhanë këtë vlerësim:
- Çmimi i gazetarëve ferizajas, Shfaqja “Gratë”, Teatri Shqiptar- Shkup;
- Skenografia më e mirë: Mentor BERISHA, për shfaqjen, “Ata që ikin”, Teatri “Bekim Fehmiu”-Prizren;
- Kostumografia më e mirë: Samka FERRI, për shfaqjen, “Ata që ikin”, Teatri “Bekim Fehmiu” – Prizren;
- Roli më i mirë episodik: Vjosa ABAZI, Teatri “Adriana” -Ferizaj;
- Roli dytësor më i mirë (Femër): Armenis Jovanovska Nokshiqi, Teatri Shqiptar -Shkup
- Roli dytësor më i mirë (Mashkull): Avni Shkodra, Teatri Qytetit-Gjilan
- Aktorja më e mirë – Çmimi “Adriana”: Elia ZAHARIA, Teatri ”Andon Zako Çajupi” – Korçë;
- Aktori më i mirë – Çmimi “Ismail Rama”: Shpëtim Selmani, Teatri Kombëtar i Kosovës
- Regjia më e mirë: Qëndrim RIJANI, Teatri Shqiptar-Shkup
- Çmimi për shfaqjen më të mirë të festivalit: shfaqja “Gratë” Teatri Shqiptar-Shkup.
Për tetë netë të festivalit, pas çdo shfaqje u mbajtën diskutime të udhëhequra nga profesori Haqif Mulliqi raporton RTV21.
VAZHDO TË LEXOSH MË TEPËR PËR TEMËN
