Pikërisht kur u mendua se Gjermania po rehabilitohej dhe pritej kthesa e madhe, Franca edhe njëherë tjetër ka treguar se jo më kot është kampione e botës në fuqi, duke përmbysur gjithcka dhe fituar 2-1 në shtëpi ndaj fqinjëve të saj.
Një humbje që në kushte të tjera nuk do të digjte shumë, por sot për Joachim Löw ndoshta ishte shansi i fundit, ndonëse pritet fjala e tij për dorëheqje apo e fedratës gjermane për një shkarkim të mundshëm, pasi shifrat janë kokëfortë më shumë se kurrë më parë.
⚽️ UEFA Nations League: ?? France vs ?? Germany | T. Kroos (GOAL) 14′ pic.twitter.com/PsS8AkbWsL
— D9INE NEXUS (@D9INE_PREMIER) October 16, 2018
Gjermania kaloi e para në avantazh, kur Kroos shënoi nga pika e bardhë e penalltisë, edhe pse Lloris kuptoi krahun. Sane përfitoi 11-metërshin në përpjekje për të krosuar në zonë, por topi u prek me dorë nga mbrojtja franceze.
Në pjesën e dytë rezultati u përmbys nga Griezmann, duke nxjerrë në krye Francën në grup me 7 pikë dhe duke fundosur Gjermaninë, me një 1 pikë në grup, në një situatë dramatike.
⚽️ UEFA Nations League: ?? France vs ?? Germany | A. Griezmann (GOAL) 62′ pic.twitter.com/zu7Ul7ij8j
— D9INE NEXUS (@D9INE_PREMIER) October 16, 2018
Në minutën e 62’ erdhi goli i barazimit nga Antoine Griezmann i cili lëshon një goditje të pandalshme me kokë nga brenda zonës. Ndeshja në pjesën e dytë është më e barabartë teksa të dyja skuadra kanë mundësitë e tyre për të shënuar. Por janë vendasit ata që arrijnë të shënojnë përsëri.
⚽️ UEFA Nations League: ?? France vs ?? Germany | A. Griezmann (GOAL) 80′ pic.twitter.com/zJ0BBfux7v
— D9INE NEXUS (@D9INE_PREMIER) October 16, 2018
Ishte një faull i dyshimtë brenda zonës i shkaktuar nga Hummels ndaj Matuidi, por kjo nuk do t’i interesojë shumë Francës, me Griezmann që nuk fal nga pika e bardhë. Në minutat e mbetura Franca arriti të menaxhojë mirë rezultatin, duke marrë një fitore të rëndësishme.
Ndërkohë Uellsi është rikthyer te fitorja duke mposhtur Irlandën me rezultatin 1-0 falë golit të Wilson. Skuadra e Giggs është ngjitur në vend të parë me një ndeshje më shumë se Danimarka, ndërsa Irlanda mbetet në fund të grupit 4 të League B.
Ukraina ka marrë fitoren e tretë në po aq ndeshje teksa ka mposhtur Republikën Çeke me rezultatin 1-0. Të besuarit e Shevchenkos kryesojnë grupin 1 të League B.
Në grupin 3 të League C, Norvegjia ngjitet në krye pasi mposhti Bullgarinë 1-0,ndërsa Qipro dhe Sllovenia kanë ndarë nga një pikë në barazimin 1-1. Ky është një nga grupet më të fortë të Ligës së Kombeve.
Gjibraltari ka fituar 2-1 me Lichtenstein në grupin 4 të League D. Ndërsa Letonia është mposhtur brenda nga Gjeorgjia me rezultatin 3-0, me gjeorgjianët që kanë katër fitore në po aq ndeshje në grupin 1 të League D.
