Ashtu si në Formula 1, edhe kampionati i Moto GP ka “pronarin” e vet tashmë. Marc Marquez fitoi garën e Çmimit të Madh të Tajlandës, duke hedhur një tjetër hap drejt titullit kampion.
Piloti spanjoll i Honda fitoi duelin me Andrea Doviziozo (Ducati), që u rendit i dyti, sfidë që dy pilotët e zhvilluan gjatë gjithë garës, e cila ishte e hapur deri në finish. Rikthehet Yamaha, që me dy pilotët e saj bëri një garë të mirë dhe renditet në vendet 3-4, me Maverick Vinales që la pas shokun e tij të skuadrës Valentino Rossi.
What a win ?@marcmarquez93 had to fight until the very last for that one ?#ThaiGP ?? pic.twitter.com/DmMlqwiLFf
— MotoGP™??? (@MotoGP) October 7, 2018
Gara e zhvilluar në pistën e Buriram ishte e jashtëzakonshme, me emocione pafund, sidomos në 4 xhirot e fundit, ku herë kryeson Marquez e herë Dovizioso, që shkëmbejnë shpeshherë vendet mes tyre në krye të renditjes.
Ashtu sikurse u parashikua, gjithçka u vendos në kthesat e fundit, me spanjollin që parakalon italianin e Ducati-t, duke korur suksesin e tetë sezonal dhe tashmë udhëheq me 77 pikë në renditje, me 4 gara nga fundi.
VAZHDO TË LEXOSH MË TEPËR PËR TEMËN
