Ish-ministri i Jashtëm i Serbisë, Vuk Jeremiq, ka thënë se prekja e kufijve mbi bazat etnike do të mund të jetë shkëndija që do të shkaktojë konflikte të reja në Ballkan, ku i bën thirrje faktorit ndërkombëtar për të parandaluar një gjë të tillë.
“Konfliktet e reja nuk janë shumë larg në qoftë se vazhdohet në këtë drejtim. Mënyra se si bashkësia ndërkombëtare është duke e trajtuar aktualisht Ballkanin favorizon shpërthimin e konflikteve”, ka thënë Jeremiq, raporton Beta.
Kryetari i Partisë Popullore të Serbisë, Jeremiq, tha se pushtetarët e Serbisë dhe ata në Kosovë po inkurajohen të arrijnë një marrëveshje që nënkupton korrigjimin e kufijve mbi bazat e vijave etnike.
“Është shumë e mundshme që një precedent i tillë të shkaktoi një zinxhir të ngjarjeve që do të çojë në një përpjekje për të zbatuar të njëjtat parime dhe në pjesë të tjera të rajonit.
Korrigjimi i kufijve të brishtë mund të jetë shkëndija që do të shkaktojë konflikte të reja në Ballkan”, tha Jeremiq. /Konica.al/
VAZHDO TË LEXOSH MË TEPËR PËR TEMËN
Korrigjimi i kufijve e fshin Kosovën nga Kushtetuta e Serbisë
Thaçi e Vuçiç kërkojnë ndihmën e ndërkombëtarëve për kufijtë
Kufijtë/ Thaçi: Skeptikët po krijojnë panik duke shpifur
