MENU
klinika

Vetting-u

KPK shkarkon gjyqtarin e Apelit të Korçës

08.10.2018 - 10:12

Komisioni i Pavarur i Kualifikimit ka vendosur të shkarkojë nga detyra gjyqtarin e Korçës, Sotiraq Lubonja.

Vendimi i organit të shkallës së parë të procesit të vettingut, pjesë e Reformës në Drejtësi, ka ardhur bazuar mbi të 3 kriteret e procesit.

Sotiraq Lubonja ka qenë pjesë e Gjykatës së Apelit të Korçës.

ILDKP raportoi në Komisionin e Pavarur të Kualifikimit për deklarim të pasaktë, fshehje pasurie, deklarim të rremë dhe mungesë burimesh të ligjshme.

Trupa gjykuese e KPK, e përbërë nga Suela Zhegu, Brunilda Bekteshi dhe Valbona Sanxhaktari deklaroi gjatë seancës dëgjimore me këtë gjyqtar se Lubonja nuk ka pasur para të justifikuara për ndërtimin e një shtëpie me vlerë 6,5 milionë lekë, në periudhën 1995-2002.

Sa i takon vlerësimit të figurës së gjyqtarit, Drejtoria e Sigurimit të Informacionit të Klasifikuar e ka gjetur atë të përshtatshëm për të vijuar detyrën.

Shoferët e autobusëve: Do hyjmë në grevë nëse...

Protestë pranë terminalit për çmimet e larta

arrestohet shpërndarësi, e pëson dhe blerësi i lëndës narkotike

Sekuestrohen 23 doza heroine në Korçë

Ndalohet hyrja në Greqi deri më 24 maj

Autoritetet helene tregojnë masat e reja për Shqipërinë

Arrestohen dy të rinjtë në Korçë

U kishin premtuar 3 emigrantëve kalimin drejt BE-së