Ministri i Forcës së Sigurisë së Kosovës, Rrystem Berisha, duke e prezantuar Projektligjin për Ministrinë e Mbrojtjes, ka thënë se ky Projektligj është bërë në kuadër të normave aktuale kushtetuese.
Ai këto komente i ka bërë në Kuvendin e Kosovës që po debatohet për formimin e ushtrisë.
“Me qëllim të mbikëqyrjes së kontrollit civil dhe demokratik mbi Forcën e Sigurisë së Kosovës (FSK), Ministria e Mbrojtjes do të ketë funksionalizimin e plotë dhe përmbushjen e përgjegjësive të saja. Ministria e Mbrojtjes do të hartojë politika të përgjithshme të mbrojtjes në nivel strategjik, do t’i ushtrojë kompetencat e plota në bazë të Kushtetutës së Kosovës”, ka thënë Berisha.
Edhe kryetari i Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës, Haxhi Shala, ka kërkuar që të votohet, nga ana e deputetëve, Projektligji për Ministrinë e Mbrojtjes. /Konica.al/
VAZHDO TË LEXOSH MË TEPËR PËR TEMËN
‘Ushtria e Kosovës është ankth për gllabëruesit e tokave’
