Kuvendi i ishte drejtuar me një kërkesë institucionit të Presidencës për aprovimin e Presidentit për hyrjen e menjëhershme në fuqi të ligjit për “lojërat e fatit” pas votimit në seancë plenare.
Në përgjigjen e saj, Presidenca thekson se Presidenti Ilir Meta ndodhet në një vizitë zyrtare jashtë Shqipërisë dhe për këtë arsye nuk mund të shprehet për këtë çështje.
Pas kësaj, deputetët e Partisë Socialiste votuan për hyrjen në fuqi të ligjit, 15 ditë pas botimit në seancë plenare.
Kjo procedurë kërkon më shumë kohë për hyrjen në fuqi të ligjit, pasi duhet dekretimi i Presidentit, i cili jep aprovimin e tij.
Presidenti ka 21 ditë kohë për të dhënë pëlqimin e ligjit dhe më pas do të kërkojë 15 ditë të tjera pasi të botohet në Fletoren Zyrtare.
