Kryeministri i Kosovës, Ramush Haradinaj, ka pritur të marten në takim ministrin e Mbrojtjes të Malit të Zi, Predrag Boshkoviç, me të cilin ka biseduar për zhvillimet e fundit politike dhe të sigurisë në vend dhe rajon.
Haradinaj ka njoftuar ministrin Boshkoviq rreth hapave të ndërmarrë për tranzicionin e FSK-së dhe të ardhmen euroatlantike të Kosovës, duke vlerësuar se Kosova dhe Mali i Zi kanë raporte të mira ndërfqinjësore.
Ai ka thënë se bashkëpunimi ndërmjet dy vendeve mike duhet të vazhdojë edhe në fushën e sigurisë, në atë ekonomike dhe politike.
Ndërkaq, ministri Boshkoviq konfirmoi se Mali i Zi do të mbështesë Kosovën në rrugën e saj euroatlantike, duke thënë se bashkëpunimi ekonomik, politik dhe në fusha të interesit reciprok ndërmjet dy vendeve mike është me rëndësi. /Konica.al/
VAZHDO TË LEXOSH MË TEPËR PËR TEMËN
Ligji për ushtrinë/ NATO: Çështje e brendshme e Kosovës
‘KFOR-i ka dhënë garanci se FSK-ja nuk ndërhyn në Veri të Kosovës’
Shndërrimi i FSK-së në ushtri, të enjten në Kuvend
