Kuvendi i Maqedonisë të hënën do ta mbajë mbledhjen e 61-të, në të cilën në rend dite është propozimi për qasje drejt ndryshimit të Kushtetutës me udhëzime për ndryshimin dhe plotësimin e saj, i dorëzuar nga Qeveria.
Pas një debati dyditor, Komisioni i Kuvendit për Çështje Kushtetuese kanë miratuar përfundimet për qasje drejt ndryshimeve kushtetuese dhe qeveria në afat prej 15 ditëve duhet të përgatitë projekt-amendamnete dhe t’ia dorëzojë Kuvendit.
Që të miratohet nevoja për qasje drejt ndryshimeve kushtetuese duhet të votohet prej dy të tretave nga numri i përgjithshëm i deputetëve në Kuvend. Në propozimin për ndryshime të Kushtetutës, të cilin qeveria e konstatoi, mes tjerash propozohet që emrit Republika e Maqedonisë t’i shtohet edhe mbiemri “Veriore”. /Konica.al/
VAZHDO TË LEXOSH MË TEPËR PËR TEMËN
Tsipras: Zbatoni Marrëveshjen, ndryshe s’ka NATO dhe BE
