MENU
klinika

Zgjedhjet e parakohshme

Zaev nuk do të takohet me liderin e opozitës

03.10.2018 - 10:08

Kryeministri Zoran Zaev nuk do të takohet me liderin e VMRO-DPMNE-së opozitare, Hristijan Mickoski, në lidhje me ndryshimet kushtetuese për Marrëveshjen e Prespës, gjë që përvijon qartë tashmë skenarin e zgjedhjeve të parakohshme parlamentare në Maqedoni.

Mediat maqedonase raportojnë se Zaev dhe partia e tij LSDM nuk kanë për qëllim që të bindin me çdo kusht Mickoskin dhe deputetët e VMRO-DPMNE-së që të votojnë amendamentet kushtetuese. “Nuk e synojmë medoemos një takim të Zaevit me Mickoskin”, shprehen zyrtarë të LSDM-së.

Bëhemi gati për zgjedhje sepse duket që nuk do të bëhet asgjë në Kuvend”.

Kreu i opozitës Mickoski, deklaroi pas referendumit të së dielës se marrëveshja e emrit me Greqinë është “e vdekur”. Që kur u mësua rezultati i votimit, shefi i ekzekutivit e la të kuptohej se zgjedhjet e reja janë për të një mundësi në tryezë, por partnerët e vet të koalicionit nuk ndajnë të njëjtin mendim dhe këmbëngulin të shfrytëzohen të gjitha mekanizmat që procesi të kalojë me sukses përmes ligjvënësve.

Aktualisht, shumica parlamentare në Maqedoni ka vetëm 71 vota nga 80 që nevojiten për zbatimin e marrëveshjes dhe që kjo e fundit të kalojë, do të duhen edhe 9 vota të opozitës. Ajo që e vështirëson edhe më shumë situatën është përçarja e thellë e shoqërisë në të ashtuquajturën “patriote” dhe “tradhtare”.

Polarizimin e pat nxitur qeveria e mëparshme nën kryetarin e atëhershëm të VMRO-DPMNE-së, Nikola Gruevski dhe të njëjtën retorikë ndjek edhe pasardhësi i tij Mickoski.

Në rastin e zgjedhjeve të parakohshme, partitë që e mbështesin marrëveshjen me Greqinë duhet të arrijnë një mazhorancë prej dy të tretash në Parlament, që të mund të miratojnë pa pengesa ndryshimet kushtetuese.

VAZHDO TË LEXOSH MË TEPËR PËR TEMËN



Mbledhja e parë e përbashkët qeveritare

Sot mbahet mbledhja e Qeverisë së Kosovës dhe M. së Veriut

Çfarë shkruajti shtypi gjerman?

DW: Ballkani drejt pasigurisë pa Merkelin?

Von der Leyen njofton vizitën në Ballkan

“Do përçoj angazhimin tonë për anëtarësimin në BE”

"Qeveria nuk duhet të japë dorëheqje"

Zjarri me 14 viktima, Zaev: Tragjedi ndodhin gjithkund

DW: Qëndrimi i Berlinit për “Ballkanin e Hapur”

Miguel Berger: Projekt historik që duhet jetësuar

Identifikimi i disa prej viktimave përmes ADN

Tragjedia në Tetovë/ “Gjithçka ndodhi në 3-5 minuta”