Kancelarja Angela Merkel ka pranuar se Bashkimi Kristiandemokratik (CDU) ka shkaktuar një ndarje massive në mesin e votuesve gjermanë duke shfaqur para tyre diskutime që “ata as nuk i kuptojnë”.
Merkel tha të shtunën se konservatorët duhet t’i japin fund luftimeve të tyre përpara zgjedhjeve rajonale që do të mbahen këtë muaj.
CDU dhe partia bavareze e Bashkimit Kristian Social (CSU) kanë luftuar për të mbajtur një front të bashkuar mbi politikën e imigracionit dhe fatin e shefit të inteligjencës, që u përfshi në një skandal.
Sondazhet tregojnë se CSU do të humbasë shumicën absolute të saj në parlamentin bavarez në një zgjedhje në shtetin jugor më 14 tetor sepse pritet të ketë më pak mbështetje se Partia e Gjelbër apo ekstremi i djathtë i Alternativës për Gjermaninë (AfD).
Mbështetja për zonjën Merkel gjithashtu parashikohet të bjerë, rreth 29 për qind, në zgjedhjet në shtetin e Hesse dy javë më vonë.
Zonja Merkel tha në një fjalim: “Unë e di se përmes mosmarrëveshjeve tona ne kemi ndikuar në rezultatet e sondazheve. Votuesit nuk e vlerësojnë nëse debatojmë dhe as që e kuptojnë se për çfarë po diskutojmë.”
Autoriteti i zonjës Merkel është zbehur që nga një zgjedhje joprofesionale në shtator të vitit të kaluar që përfundoi me rezultatin më të keq për konservatorët e saj që nga viti 1949.
Përpjekja e saj e parë për të formuar një qeveri me Partinë e Gjelbër dhe Demokratët e Lirë (FDP) ishte e pasuksesshme.
Ajo është ballafaquar me thirrje nga partia e saj për të emëruar një pasardhës.Të rinjtë në CDU / CSU të shtunën kërkuan një amendament kushtetues për të kufizuar numrin e mandateve që një kancelar mund të shërbejë deri në tre mandate.Por një pjesë e madhe e refuzuan këtë ide, duke thënë se do të shkelte të drejtat kushtetuese të ligjvënësve për të patur lirinë për të votuar për çdo kandidat që ata duan.
Krizat e koalicionit të saj që kanë arritur kulmin gjatë periudhës së verës. Udhëheqësi i CSU dhe Ministri i Brendshëm Horst Seehofer e çuan qeverinë në prag të rënies me një kërcënim për të kthyer migrantët në kufirin me Austrinë nëse ata kishin aplikuar tashmë për azil diku tjetër në BE.
Votuesit në shtetin e pasur duket se nuk janë të impresionuar me retorikën e tij kundër emigracionit.
Ata që kundërshtojnë vendimin e Merkel në vitin 2015 për të hapur kufijtë e Gjermanisë për një milion, kryesisht azilkërkues myslimanë, po kthehen në AfD.
Megjithatë,ka edhe të tjerë që po largohen nga CSU drejt Partisë së Gjelbër, e cila parashikohet të bëhet partia e dytë më e madhe në Bavarinë në mes të tetorit.
Seehofer, kritikuesi më i zjarrtë i politikave liberale të emigracionit të Merkelit, përjashtoi të shtunën heqjen dorë nga posti i tij si udhëheqës i CSU pas zgjedhjeve, duke u zotuar të qëndrojë deri në fund të mandatit të tij vitin e ardhshëm.
VAZHDO TË LEXOSH MË TEPËR PËR TEMËN
Pse po zbehet autoriteti i Merkelit?
