Presidenti i Republikës, Ilir Meta realizoi një takim në Uashington, në Senat, me Senatorin Roy Blunt, zëvendëskryetar i Konferencës të Senatorëve Republikanë.
Në fjalën e tij, Meta tha se SHBA janë partneri ynë strategjik, ndaj forcimi i mëtejshëm i këtyre marrëdhënieve është i një rëndësie vitale për ne.
“Angazhimi i SHBA në rajonin tonë mbetet kyç edhe për të ardhmen, në mënyrë që të konsolidohen arritjet e deritanishme, si në drejtim të stabilitetit e sigurisë ashtu edhe të përparimit të demokracisë e prosperitetit. Ndaj ne mbështesim fuqishëm politikën e dyerve të hapura të NATO-s, dhe pas anëtarësimit të Malit të Zi vlerësojmë se edhe anëtarësimi i Maqedonise në NATO do të ishte një arritje tepër pozitive për të ardhmen e të gjithë rajonit tonë”.
Në këtë drejtim të dy bashkëbiseduesit shprehën dëshirën që Parlamenti i Maqedonisë të marrë përgjegjësitë e duhura përmes bashkëpunimit për t’iu përgjigjur aspiratës legjitime të shumicës së qytetarëve për anëtarësim në NATO e BE.
VAZHDO TË LEXOSH MË TEPËR PËR TEMËN
FOTO/ Meta takon çiftin Trump
SHBA, më e dobët apo më e fortë në Shqipëri?
