Një vajzë e mitur ka ndërruar jetë në rrethana ende të paqarta mbrëmjen e sotme. Zyrtarisht policia thotë se vajza 13-vjeçare ishte shoqëruar në spital nga babai i saj, shtetasi me iniciale Xh.B. për ndihmë mjekësore dhe më pas ka ndërruar jetë.
“Më datë 11.10.2018, rreth orës 18:30, shtetasia e mitur K. B., rreth 13 vjeçe është shoqëruar nga i ati shtetasi Xh. B., për ndihmë mjekësore në spital ku dhe ka ndërruar jetë.
Po punohet për sqarimin e rrethanave të ngjarjes dhe përcaktimin e shkakut të vdekjes”, njofton zyrtarisht policia e Tiranës.
Minorenia ishte gjetur në agoni nga i ati Xhevat Brahaj që e kishte transportuar menjëherë në spital.
Mësohet se ajo kishte plagë me mjet prerës në trup dhe brenda pak minutash ka ndërruar jetë.
Policia ende nuk ka dhënë shkaqet e vdekjes së 13-vjeçares K. Brahaj, ndërsa po kryen hetime dhe babai i saj është marrë në pyetje për të zbardhur rrethanat.
