Ministri i Brendshëm Fatmir Xhafaj ka reaguar përmes një postimi në Twitter për operacionet dhe arrestimet e dy ditëve të fundit.
Ministri Xhafaj thotë se forca e ligjit do vazhdojë dhe ky nuk është show, por betejë reale me krimin.
Ministri ka paralajmëruar gjithashtu se të tjera goditje e rezultate do ketë së shpejti.
“Forca e Ligjit do të vazhdojë. Ky s’është show, por betejë reale me krimin e organizuar.Kemi ngritur institucione që po forcohen çdo ditë. Bashkë me agjencitë ligjzbatuese & partnerët ndërkombëtarë. Forca e Ligjit s’ndalet nga askush. Të tjera goditje e rezultate së shpejti“- ka shkruar Xhafaj.
Arrestimet dhe operacionet e djeshme:
Ish-deputeti socialist, Arben Çuko – korrupsion pasiv
Ish-deputeti socialist, Arben Ndoka – tjetërsim pronash
Vëllai i deputetit socialist Arben Ndoka – falsifikim dokumentash
“Bosi” i Shijakut, Flamur Avdyli – trafik droge
Astrit Avdyli, Jasin Avdyli, Fatos Llaftiu, Shkelqim Avdyli, Shaqir Gjepali – pjesë e bandës së Shijakut
• Kërkime për Klement Balilin dhe Lul Berishen.
