Austria tha se do të refuzonte të nënshkruante një pakt ndërkombëtar që synonte përmirësimin e bashkëpunimit global mbi migracionin, duke u bashkuar me SHBA dhe Hungari që e kanë kundërshtuar marrëveshjen e OKB.
Sebastian Kurz, kancelari konservator i Austrisë, tha të mërkurën se vendi i tij donte të mbante nën kontroll fluksin e migracionit dhe nuk do të nënshkruante një pakt që synon të miratohet zyrtarisht në një konferencë në dhjetor.
“Austria nuk do të bashkohet me paktin e migracionit të OKB-së,” tha Kurz. “Ne i shohim disa pika të paktit të migracionit shumë kritike”.
Kompakti Global për Sigurinë dhe Migrimin e Rregullt, i cili nuk është ligjërisht i obligueshëm, është finalizuar nga Kombet e Bashkuara në korrik. Ai synon të mësojë nga kriza e emigracionit evropian të vitit 2015 për të menaxhuar më mirë fluksin e njerëzve, si dhe për të mbrojtur emigrantët dhe të drejtat e tyre.
Dhjetorin e kaluar, Shtetet e Bashkuara janë tërhequr nga pjesëmarrja në negociatat mbi kompaktin, ndërsa, në korrik, Hungaria ka bërë të njëjtën gjë.
Ky vendim i Austrisë nxjerr në pah ndarjet në Evropë të cilat kanë filluar që nga viti 2015, duke e vendosur këtë vend në grupin e atyre që refuzojnë marrëveshjet ndërkombëtare, duke nisur kështu me qeverinë hungareze të udhëhequr nga Viktor Orban.
Edhe Ministri i brendshëm i Polonisë, Joachim Brudzinski, ka thënë këtë muaj se Varshava duhet gjithashtu të tërhiqet nga pakti, duke argumentuar se ai mund të nxisë imigracionin e paligjshëm. Qeveria konservatore e Australisë pritet të refuzojë të marrë pjesë po ashtu.
Partia e Kurzit qeveris në koalicion me një parti tjetër, një lëvizje nacionaliste. Kancelari fitoi zgjedhjet kombëtare.
Heinz-Christian Strache, zëvendëskryeministri i Austrisë, tha të mërkurën se Vjena po bëhej një shembull për vendet e tjera evropiane, duke këmbëngulur në ruajtjen e sovranitetit mbi çështjet e migracionit.
Austria ka pasur shumë ndikim në politikën evropiane, sepse mban presidencën e BE-së.
Kurz dhe Herbert Kickl, ministri i brendshëm i partisë Liria, kanë marrë masa për të mbrojtur kufijtë e BE-së, madje kanë sugjeruar se kërkesat për azil të refugjatëve duhet të përpunohen jashtë bllokut.
Gjatë viteve 2015-2016, vendi ka pranuar rreth 130,000 aplikime për azil.
VAZHDO TË LEXOSH MË TEPËR PËR TEMËN
BE kërkon ‘ndihmë’ nga Afrika për çështjen e emigracionit
3 vite pritje për kufijtë, Merkel mban ‘peng’ emigrantët
Evropa në udhëkryq/ Si do veprojë ajo?
